babasan

248. Jadi cikal bugang. (Pangheulana kasambut di pangperangan).
249. Jadi kembang carita. (Jadi bahan carita nu narik perhatian dina riunganriungan).
250. Jadi kulit jadi daging. (Jadi kabiasaan nu hésé dipiceunna).
251. Jadi sabiwir hiji. (Pada muji kahadéanna).
252. Jajar pasar. (Sedeng atawa meujeuhna rupana).

253. Jaksi sajantung. (Rupa bitis anu alus).
254. Jalma manuk. (Jelema primitip nu masih kénéh sok pipindahan, henteu
matuh di hiji tempat = nomaden).
255. Jalma pasagi. (Jelema boga, réa kabisa, turunan hadé).
256. Jaman cacing dua duit. (Jaman baheula pisan).
257. Jaman tai kotok dilebuan. (Jaman buhun).
258. Jantung ati. (Kakasih).
259. Jauh ka bedug carang ka dayeuh. (Dusun, teu nyaho ditata adat).
260. Jauh tanah ka langit. (Kacida bédana).
261. Jauh-jauh panjang gagang. (Hanas jauh-jauh ogé dijugjug, ari pék teu hasil
nu dimaksud) .
262. Jelema balung tunggal. (Jelema bedas pisan).
263. Jelema kurang jejeg. (Teu pati bérés pikiranna).
264. Jelema sok keuna ku owah gingsir. (Umumna jelema sok robah tangtunganana
tara kuat nahan gogoda).
265. Jelema teu balég. (Jelema teu bener).
266. Jelema pasésaan. (Jelema nu kungsi gélo).
267. Jiga tunggul kahuru. (Goréng patut).
268. Jual dedet. (Ngajual barang satengah maksa).
269. Jumorojog tanpa larapan. (Datang teu ngiberan heula ka nu saluhureun
atawa ka nu can wawuh).

Posted in: BABASAN