222. Tacan aya nu nganjang ka pagéto. (Teu aya jalma nu bakal nyaho naonnaon
nu bakal kajadian di ahir).
223. Tamiang meulit ka bitis. (Kalakuan nu malindes ka diri sorangan).
224. Tangkal kai teu kalis ku angin. (Unggal jelema kudu baé nyorang kasusah
atawa cocoba).
225. Téng manuk téng (maruténg) anak merak kukuncungan. (Ngala ka bapa).
226. Teu beunang dikoét ku nu kékéd. (Jelema korét, teu beunang dipéntaan
tulung).
227. Teu beunang ditiwu leuweung. (Teu beunang dipikasono).
228. Teu gugur teu angin. ( Teu puguh alesannana).
229. Teu jauh ti tihang juru, teu anggang ti tihang tengah. (Nya goréng rupana
ogé goréng kalakuanna).
230. Teu unggut kalinduan teu gedag kaanginan. ( Kuat pamadegan, teu keuna
ku gogoda, teu kapangaruhan ku batur).
231. Titip diri sangsang badan. (Mihapékeun manéh, kumawula sangkan aya nu
méré dahar jeung paké).
232. Tikoro andon péso. (Nyampeurkeun pibalaieun, nyampeurkeun jelema nu
keur ambek ka urang).233. Totopong heureut, dibébér-bébér tangtu soéh, (Rejeki saeutik, mun dipaksakeun nyumponan sagala kahayang tangtu nu aya ukur kasusah).
234. Tugur tundan, cuntang gantang. ( Ngajalankeun pagawéan pikeun nagara).
235. Tunggul dirarud, catang dirumpak. (Ngalajur napsu, sagala aturan
dirempak).
236. Tungkul ka jukut, tanggah ka sadapan. (Junun kana gawé, teu kabéngbat ku
perkara séjén).
0
Comments
